წეროვანის დევნილთა დასახლებაში, ადამიანის უფლებათა დაცვის საერთაშორისო დღესთან დაკავშირებით იმყოფებოდა სახელმწიფო მინისტრი შერიგებისა და სამოქალაქო თანასწორობის საკითხებში თეა ახვლედიანი.

✅შეხვედრა, გაიმართა ახალგორის მუნიციპალიტეტის ნუგზარ ფსუტურის სახელობის კულტურის სახლში,ესწრებოდნენ:

მცხეთა-მთიანეთის სახელმწიფო რწმუნებული დავით ნოზაძე, შერიგებისა და სამოქალაქო თანასწორობის სამინისტროს დეპარტამენტის უფროსი ზვიად ზვიადაძე,დევნილთა საარსებო წყაროებით უზრუნველყოფის სააგენტოს დირექტორის მოადგილე გიორგი მანჯავიძე,ახალგორის მუნიციპალიტეტის გამგებელი ნუგზარ თინიკაშვილი, საკრებულოს თავმჯდომარე თამაზი ბალაშვილი.

✅საუბრის მთავარი თემა საზღვრის იქით და საზღვრის აქეთ მყოფი მოსახლეობის ყოფა-ცხოვრებას და საკუთარ მიწა-წყალზე დაბრუნების მნიშვნელობას შეეხებოდა.

✅სახელმწიფო მინისტრმა ისაუბრა სამშვიდობო პროცესის მიმდინარეობაზე და საქართველოს მთავრობის შერიგებისა და ჩართულობის პოლიტიკის პრიორიტეტებზე,ასევე ხაზი გაუსვა ადამიანის უფლებათა დაცვის სასამართლოს გადაწყვეტილებას, რომელიც პასუხისმგებლობას აკისრებს რუსეთს რათა ადამიანებს არა აქვთ შესაძლებლობა დაბრუნდნენ საკუთარ სახლებში.

✅ახალგორის მუნიციპალიტეტის გამგებელმა ნუგზარ თინიკაშვილმა თავის მხრივ ისაუბრა დევნილების საჭიროებებზე, შეხვედრა კითხვა - პასუხის რეჟიმში მიმდინარეობდა. სახელმწიფო მინისტრმა სტუმრებთან ერთად მოინახულა და საჩუქრები გადასცა წეროვანის ბაგა-ბაღის არსაზრდელებს.