ქალბატონო ელიზაბეთ,

ახალგორის მუნიციპალიტეტის სახელით კიდევ ერთხელ გვსურს დაგიდასტუროთ უდიდესი პატივისცემა და მადლიერება თქვენი სახელმწიფოსა და საელჩოს მიმართ იმ დიდი ყურადღებისათვის, რასაც თქვენ ჩვენი დევნილობაში ათწლიანი ცხოვრების განმავლობაში იჩენთ.

შეძრწუნებული ვართ დუშეთის მუნიციპალიტეტის ხადას ხეობაში 4 ივლისს სმიტების ოჯახის სადისტურად დახოცვის გამო და სამძიმარს ვუცხადებთ სმიტების ოჯახს, მათ ნათესავებს ამერიკის შეერთებულ შტატებს და პირადად თქვენ.

ასევე გვსურს დიდი ბოდიში მოგიხადოთ იმის გამო, რომ დღეისათვის ეჭვმიტანილად ახალგორიდან დევნილი პიროვნებაა მიჩნეული, რაც ჩვენთვის უფრო მეტად გულდასაწყვეტია.

გთხოვთ, მიიღოთ სამძიმარი, გულწრფელი სინანული და დიდი ბოდიში.



პატივისცემით.